Կակազում. armeniamedicalcenter.am

Կակազումը խոսքի դեֆեկտներից է, որի ժամանակ մարդը դժվար է խոսում: Նա նույն վանկը կարող է կրկնել մի քանի անգամ, որը, բնականաբար, ստեղծում է շփման որոշակի դժվարություններ: Հուզվելիս կակազելու արտահայտվածությունը, որպես օրենք, ուժեղանում է:

Առաջացման պատճառները

Ներկայում կարելի է տարբերել պատճառների երկու խումբ. նախատրամադրող և խթանող: Ընդ որում, որոշ պատճառաբանական գործոններ կարող են ո՛չ միայն նպաստել կակազման զարգացմանը, այլ նաև անմիջապես առաջացնել այն:

Նախատրամադրող գործոններն են.

• ծնողների նևրոպաթիկ անամնեզ՝ նյարդային, վարակիչ և սոմատիկ հիվանդություններ, կենտրոնական նյարդային համակարգի թուլացնող կամ դեզօրգանիզացնող ֆունկցիաներ,
• հիվանդի նևրոպաթիկ յուրահատկություններ՝ գիշերային վախեր, էնուրեզ, բարձր գրգռվածություն, էմոցիոնալ լարվածություն,
• ժառանգական նախատրամադրվածություն՝ խոսակցական համակարգի բնածին թուլության ֆոնի վրա զարգացած կակազում, որը փոխանցվում է ժառանգականորեն` որպես ռեցիսիվ ախտանիշ: Այնուամենայնիվ, պետք է հաշվի առնել էկզոգեն գործոնների դերը, երբ կակազելու նախատրամադրվածությունը զուգակցվում է շրջապատի անբարենպաստ ազդեցության հետ,
• գլխուղեղի ախտահարում զարգացման տարբեր շրջաններում՝ բազմաթիվ վնասակար գործոնների ազդեցությամբ. ներարգանդային և ծննդաբերական վնասվածքներ, ասֆեքսիա, պոստնատալ-ինֆեկցիոն, տրավմատիկ և նյութափոխանակային-տրոֆիկ խանգարումներ տարբեր մանկակական հիվանդությունների ժամանակ:

Ոչ բարենպաստ պայմաններն են.

• երեխաների ֆիզիկական թուլություն,
• ուղեղի գործունեության տարիքային յուրահատկությունները՝ գլխուղեղի մեծ կիսագնդերը հիմնականում կազմավորվում են մոտավորապես 5 տարեկանում, այդ ժամանակ էլ ձևավորվում է ուղեղի գործունեության ֆունկցիոնալ ասիմետրիան: Խոսակցական ֆունկցիան օնտոգենետիկորեն առավել տարբերակված է և ուշ հասունացող, փխրուն է և հեշտ վնասվող:
• խոսքի արագացված զարգացումը 3-4 տարեկանում, երբ նրա ճանաչողական և կարգավորող ֆունկցիաները արագ զարգանում են մեծերի հետ շփման ազդեցությամբ: Շատ երեխաների մոտ այդ տարիքում նկատվում է բառերի և վանկերի կրկնում, որոնք ֆիզիոլոգիական բնույթ ունեն,
• երեխայի թաքնված հոգեկան ճնշվածությունը, բարձրացած ռեակտիվությունը շրջապատի հետ ոչ նորմալ հարաբերությունների հողի վրա,
• մեծահասակների և երեխայի միջև դրական և հուզական կոնտակտնեի անբավարարությունը,
• մոտորիկայի, ռիթմի զգացողության, միմիկո-արտիկուլյար շարժումների անբավարար զարգացումը:

Հարցեր, պատասխաններ, մեկնաբանություններ